Actividades Infantís

Tanto para público infantil como para o conxunto familiar, ofrecemos as seguintes actividades:

  • AS CAIXAS DA SABIDURÍA. UNHA VIAXE NO TEMPO.  Unha exploradora viaxeira no tempo virá a contarnos historias, de xeito interactivo, sobre persoas interesantes e importantes que coñeceu nas súas viaxes.
    Con esta actividade pretendemos crear novas e novos referentes (sobretodo mulleres e tamén novas masculinidades) para nenas e nenos con persoas reais da nosa historia.  Para público infantil dentre 4 e 12 anos.
  • AS AVENTURAS DE PIPPI MEDIASLONGAS. A mismísima Pippi virá a contarnos algunhas das súas aventuras.
    A través desta representación poremos en valor a figura dunha personaxe clásica da literatura que rompe cos estereotipos sexistas, así como visibilizaremos á súa escritora ASTRID LINDGREN. Para público infantil entre 4 e 12 anos.
  • OBRADOIROS DE XOGOS DE MESA. Actividades para alumnado de todos os niveis educativos nos que se poden mesturar pais, nais e público de todas as idades. Obradoiros específicos de xogos coeducativos,  xogos xigantes, xogos cooperativos e xogos co único obxectivo de pasar un rato divertido.
  • XOGOS DE PISTAS: ESCOLA DE DETECTIVES ENOLA HOLMES.  Actividade dirixida a alumnado de secundaria (poderíase adaptar a idades inferiores). O xogo consiste nunha búsqueda con teléfonos móbiles, mapas e outros elementos para descifrar un misterio e conseguir entrar na prestixiosa escola de detectives de Enola Holmes.

     

Non son propostas pechadas, sempre adaptamos e personalizamos as actividades en función das necesidades. 

© 2024 Coeducontando

contacto@coeducontando.com