Tanto para público infantil como para o conxunto familiar, ofrecemos as seguintes actividades, según idades:

EDUCACIÓN INFANTIL

A invisibilidade de mulleres referentes e a falta de personaxes femininos independentes, divertidas e aventureiras é un feito. Coas nosas historias, intentamos compensar esa falta. 

• AS CAIXAS DA SABIDURÍA. UNHA VIAXE NO TEMPO.  Unha exploradora viaxeira no tempo virá a contarnos historias, de xeito interactivo, sobre persoas interesantes e importantes que coñeceu nas súas viaxes.
  Con esta actividade pretendemos crear novas e novos referentes (sobretodo mulleres e tamén novas masculinidades) para nenas e nenos con persoas reais da nosa historia.  Para público infantil dentre 4 e 12 anos.
• AS AVENTURAS DE PIPPI MEDIASLONGAS. A mismísima Pippi virá a contarnos algunhas das súas aventuras.
  A través desta representación poremos en valor a figura dunha personaxe clásica da literatura que rompe cos estereotipos sexistas, así como visibilizaremos á súa escritora ASTRID LINDGREN. Para público infantil entre 4 e 12 anos.
• CONTACONTOS DE MULLERES IMPORTANTES. Contamos uns contos moi especiais porque estes… non son inventados, son moi reais. Así poderás coñecer escritoras, inventoras, descubridoras, artistas, científicas… e como chegaron a ser e a facer o que fixeron. 
• CONTOS PARA DÍAS ESPECIAIS E/OU TEMÁTICAS CONCRETAS. Contacontos adaptados a temáticas concretas: emocións, diversidade, paz, coidado do medio … 

Hai algúns contos que son narrados e outros son máis interpretados (Pippi e as caixa da sabiduría). En calquera dos casos, son contos adaptados á linguaxe infantil e todos están contados dende a perspectiva de igualdade de xénero. 

A duración é de 50 minutos aproximadamente. 

EDUCACIÓN PRIMARIA

Todas as actividades teñen perspectiva feminista. Son contos e xogos sen estereotipos sexistas, nos que preferentemente hai visibilización de mulleres coma protagonistas das historias e da nosa Historia. 

• CONTACONTOS: Pippi Medias Longas; as caixas da sabiduría; historias de mulleres referentes e outras historias á medida (ver descrición en ed. Infantil).
• OBRADOIRO DE XOGOS DE MESA. Obradoiros á medida onde os xogos de mesa serán os protagonistas: xogos feministas, cooperativos, xigantes, divertidos, rápidos, de cálculo… 

• XOGOS DE PISTAS. Coa temática de igualdade ou algunha outra temática de educación en valores, totalmente personalizado, a demanda. 
• OBRADOIROS DE SEXUALIDADE INTEGRAL. Consentimento, prevención de abusos, coñecemento dos corpos, relacións sexuais, pracer, reproducción, menstruaición… Para todos os cursos. 

As actividades son totalmente personalizadas, adaptadas ás necesidades da entidade contratante.

Teñen unha duración dentre 50 e 90 minutos. 

EDUCACIÓN SECUNDARIA

Todas as actividades teñen perspectiva de xénero. A sexualidade trátase dun xeito integral. As dinámicas son participativas, moitas delas en movemento e deseñadas a partir dos intereses dos e das adolescentes. Son actividades totalmente personalizadas ás necesidades da entidade contratante. 

• OBRADOIROS DE IGUALDADE E CORRESPONSABILIDADE. Desmitificación do amor romántico, ruptura de estereotipos, novas masculinidades, sexualidade, análise da música actual, o papel das mulleres nas RRSS e internet, violencia de xénero, visibilización de mulleres referentes … 

• OBRADOIROS DE XOGOS DE MESA. Obradoiros á medida onde os xogos de mesa serán os protagonistas: xogos feministas, cooperativos, xigantes, divertidos, rápidos, de cálculo…  Incluso poden ser obradoiros interxeneracionais e integrar a outros membros da familia: pais, nais, avós e avoas, irmáns e irmás máis pequen@s… 
• XOGOS DE PISTAS: ESCOLA DE DETECTIVES ENOLA HOLMES.  O xogo consiste nunha búsqueda con ou sen teléfonos móbiles, mapas e outros elementos para descifrar un misterio e conseguir entrar na prestixiosa escola de detectives de Enola Holmes.

• OBRADOIROS DE SEXUALIDADE INTEGRAL. Consentimento, coñecemento dos corpos, relacións sexuais, pracer, reprodución, menstruación, consumo de pornografía, ruptura de mitos do amor romántico, delitos sexuais e ciberdelitos… 

Teñen unha duración dentre 50 e 90 minutos.